Potoana e re e malala a laotsoe bakeng sa likhetho-tsome

Moetellipele oa Potoana o re ba malala a laotsoe bakeng sa likhetho-tsome tsee tonakholo ea Lesotho e seng e kanna ea li bitsa neng kapa neng, e le mokhoa oa ho ipholosa tsietsing ee ’muso oa eona o khamelletsoeng ho eona, e kang ea motho ea qobelletsoeng ka har’a mosi oa sehalahala sa matlaka.

A bua lebatooeng la Rothe ka Labohlano lena, monghali Mathibeli Mokhothu o itse ha ho ka moo ’muso o ka pholohang tsietsi ee o ipaketseng eona ka ho utsoa boea ba Basotho ka thetso ea hore bo isoa ’marakeng o hlamatsehang.

O hlasetse leano la ’muso ona la ho nka masimo a Basotho ka khiro, bakeng sa temo ea matekoane a rekisoang mose ho maoatle ka liphaello tse holimohali. O itse se nepahetseng ke hore ’muso o etse hore beng ba mobu ba fue liabo lifemeng tseo, e seng bohashana bo bitsoang chelete ea khiro ea masimo le khiro ea litho tsa malapa a amehang.

Lilala li ile tsa hlaba Smartman s’a ’Maamohelang ka litlatse ha se supa ka kotloloho hore ka lebaka la bosholu boo ba boea ba bona, Basotho ba se ba hloloa ho phetha boikarabelo ba malapa, e leng ho isa bana likolong, ho lefella phekolo ea litho tsa malapa tse kulang le ho lefa balisana, ’me, bakeng sa lijo hamole e seng e rekisoa ka theko ea konyana e meno mabeli.

Joalo ka libokeng tse ling, o ile a thetsa bokhopo bo etsetsoang sechaba ke mapolesa le ho se ikobele likahlolo tsa makhotla ha matona a ’muso, a ba re potoana ha e se e khutletse pusong, e tla fana ka thuto ea mahala ho tloha likonyaneng ho ea kena likolong tse kholo, e bile e le thuto ea boitjaro le boipheliso. Boesa, o tla be a le lebatooeng la Qeme.

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.