Lehae la St. Angela, Maseru le boela le fumana metsi ka mor’a ho a koalloa

Mookamali oa lehae la bana ba nang le bokooa ba masapo la St. Angela, Ha-Seleso, Maseru, o re o leboha lepe-la-basali ba Lesotho, ka ho arabela tlhoko ea bona e kholohali e neng e le ea metsi, ka ha ka mor’a hore le fihle sebakeng seo, tharollo e bile teng, metsi a e-ba teng.

’Mamokhosi Thamae, o re lehae le hlokile metsi ho tloha khoeling ea leshome selemong se fetileng ho fihlela ka Laboraro bekeng ena ha Dr. ’Maesaea Thabane, a ne a le etetse, a fumana le le bothateng bo boholo ba litlhoko tsa mantlha, har’a tsona e le metsi.

O re mokoloto oa lehae e ne e le likete tse kaholimo ho mashome a mane tsa Maloti, oo le neng le keke la hlola le o kokomosa, ’me le ne le se le pompa metsi ka motlakase, oo le neng le o fumana ka thata, hape le ne le lokela ho khakeletsa metsi a pula, ha e le sieo e ne e se e le bothata.

’Mamokhosi o re boemong bona, bophelo bo botle ba lehae, bo tla khutlela setloaeling, ho feta moo o bile a re letona la Puso ea Libaka le Borena le bile la fihla lehaeng leo, ho ea fana ka tšepiso ea ho lokisa tsela ea tikoloho eo, molemong oa hore lituoana tse mabili tsee ba li abetsoeng, li ba phelele nako e telelele.

Litaba tsena li kolla ketelong ea Dr. ’Maesaea Thabane ea bileng sebakeng seo bekeng ena, ha a ne e a le iselitse, likobo tsa bosiu, lifuthumatsi, lituloana tse mabili, phofo, linku tse tharo le parafini, ka mor’a ho utloa tsietsi ea lona.

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.