Basali ba llela banna ba bona ba ntseng ba tokhotsoa ke mapolesa a Thaba-Tseka

Basali ba Sekiring Ha Leboea Mpora, kantlenyana ho toropo ea Thaba Tseka ba re mapolesa a hana ka banna ba bona, bao e sa leng ba ts’oaroa ka Labohlano la beke e fetileng, ka pelaello ea ho utsoetsa lechaena lee ba neng ba le sebeletsa.

Puseletso Motjolopane o re ba haneloa le ho bona batsoaruoa bao, feela ba utloa hore moo ba teng ha ba ipatle ke ho tokhotsoa ke mapolesa. Ho feta moo, o re mapolesa a ba file lipehelo tsee a ka ba lokollang ka tsona.

O re a itse motho ka mong a lefe likete tse leshome le metso e meraro, kapa linku tse mashome a mabeli, kapa litonki tse tharo kapa sets’a. Ho fihlela a tlalehile litaba tsena, ka Labohlano la beke ena Puseletso Motjolopane o re banna ba ts’oarelletsoeng le mosali, ba ntse ba e-s’o hlahisoe lekhotleng la boahloli.