Molula-setulo oa mokhatlo o buellang batho ba tlokotsing, o re o thabetse tharollo litabeng tsa bana ba nang le bokooa ba phelang lehaeng la St. Angela, bao litlhoko tsa bona tsa nako e telele li arabetsoeng ke ofisi ea Lepe-la-basali ba Lesotho ka Laboraro lena.

Nkhono ’Mamokete Sebatane, o re kajeno batho ba litlokotsing tse fapakaneng tsa bophelo, ba fumane lehetla lee ba ka itšetlehang ho lona, hoba ba filoeng matla a ho ba sebeletsa, ba iphapanyetsa bona ka litsela tse fapakaneng, empa Dr. ’Maesaea Thabane, o ipha nako joalo ka motsoali ho hlakola menyepetsi e keleketlang marameng a batho ba joalo, ka ho tlisa tharollo.

O re taba ea hore metsi a se a boetse a le teng St. Angela, ke taba e kholo hobane ho ne ho sa utloisisehe hore ho pheloa joang ke batho ba ke keng ba tseba ho kakasa lintho tse boima ho latela masapo a bona,’me o khothetse haholo.