Nyeoe ea litho tsa sesole e tla tsoelapele ha feela European Union e fane ka chelete

Nyeoe ea litho tsa sesole tse qosoang ka polao ea Mokheseng Ramahloko, e hloloa ho tsoelapele ka lebaka la bosieo ba chelete e tlang ho lefa le ho batlela baahloli ba ma-tsoa-ntle bolulo.

Lekhotla le phahameng la Lesotho ka Labobeli la beke ena ka Moahloli Semapo Peete, le itse tlaleho ea mongolisi oa lona ke hore nyeoe ea Lut,Gen Tlali Kamoli, Litekanyo Nyakane, Motloheloa Ntsane le Leutsoa Motsieloa, e tla tsoela-pele ha feela mokhatlo oa linaha tse ikopantseng tsa Juropo o fane ka chelete.

Ho latela tlhaloso ea mongolisi oa lekhotla, mokhatlo o tšepisitse ho akhella naha ena chelete, ho potlakisa nyeoe ena e chechileng ka nako e telele. Mofapahlooho o bolelletse lekhotla hore ho na le monyenyetsi oa hore litho tseo li mothating oa ho nka Maipiletso kamor’a ho hloloa ke nyeoe eo li neng li qholotsa khetho ea baahloli ba melata.

Lekhotla le amohetse boitokollo ba ’muelli oa moqosuoa oa bone, Leutsoa Motsieloa, ka mabaka a sa hlahang ka pel’a lekhotla.

Ho sa le joalo, makhotla a bo ’Maseterata a khutletse tšebetsong ka Labobeli la beke ena, ka mor’a ho khefutsa nako e fetang khoeli, ’me sena se latela hore makhotla a lle ka meputso e mangoleng ebile lisebelisuoa li le sieo.

Maseterata e moholo ‘Matankiso Nthunya o itse ba tla itlama mala masesane,ba koenyeletse mathe le mamina, kaha ba bolelletsoe hore litaba tsa bona li khutlela morao, lekaleng la Khiro ea Bahlanka ba Sechaba(Public-Service) ka hare ho porojeke e kenyelletsang mafapha ‘ohle a muso.

Nthunya o itse ba khutlela tšebetsong molemong oa sechaba sena sa Basotho, seo eleng sona se jelang boikhohomoso ba ‘muso hao lokela ho arabela tlhoko ea makhotla, o re mothating ona Mahase ACJ o kentse letsoho ho fana ka namo litabeng tsena.

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.