Metale oa Boronse o tlatsa sebapali sa Thenese morolo

Sebapali sa Thenese se re papali ena e ne e se tlatse morolo ka mor’a ho hapa metale oa Boronse lipapaling tsa Afrika tse bileng Congo ka selemo sa 2015.

Bishopo Moseli, o re papali ena, o ne a qale ho kenya letsoho ho eona ka selemo sa 2000, ha a ne a le sekolong sa mathomo, ka ha a ne a bile a rata ho e shebella, etsoe lebala la eona le ne le le haufi le sekolo.

Ho sa le joalo, mokhatlo o tsamaisang Taekonto Lesotho, o rometse libapali tse tharo, lipapaling tsa lefatše tse tla tšoareloa Manchester ka Laboraro la beke ena, ’me tsona ke tse latelang: Ramosoeu Nkuebe, Marumo Moloisane le Michelle Tau.