Mohlankana o re o khakhathetsoe taba ee a sa e tsebeng, Mafeteng

Mohlankana oa Ha-Kotoanyane, Mafeteng, o re o belaela hore bahlankana ba motse oa habo, ba mo khakhathetse linku tsa bo bona tsee lelapa la bo, le kileng la ba lefisa tšenyo e neng e li e entse korong ea bo.

O re ho ne ho ile ha etsahala hore linku tsa bo li tšoaroe ke bahlankana bao, ba re li leboelleng, empa ho ne ho se joalo, le ha ho le joalo, moholoane oa hae a li lefella, ha ka mor’a moo, ho ile ha kena tsa bo bao korong ea lelapa la bo.

O re ho feta moo, lelapa la bo ha le ratoe ke boholo ba baahi ba motse oo ka mabaka a sa tsejoeng, ’me le leloko le le kenyelitse metsi ka moeli ka ho rata ho le tsekisa setša sa lelapa, ho tloha bophelong ba beng ba lona, ba seng ba hlokahetse.

Lekhooa o ne a fana ka lehlakore la hae holim’a litaba tse hlahelletseng litabeng tsa Moafrika fm, bekeng ena hore o ile a khalemelloa ho rohakana, eaba o ba manganga, a bile a bolelisaka kamoo likhomo tsa bo-mang li nonneng ha tsa bo-mang li otile, ’me tsena tsohle o li latotse.