Boitokollo ba letona la sepolesa sa Lesotho

Phala ea ’muso oa Lesotho monghali Nthakeng Selinyane, e tiisitse litaba tse hlahileng ka har’a marang-rang mabapi le boitokollo ba letona la sepolesa ’Mampho Mokhele, ’me o ea boemeling ba Lesotho Ireland.

Monghali Selinyane o re sena se etsahala ka mor’a hore Mokhele a thonyetsoe boemong boo ke Motlotlehi hore a e’o emela Lesotho naheng eo, ’me o il’o ba motlatsi oa moemeli.

O re setulo sa letona la sepolesa se tla sala se beiloe leihlo ke monghali Tefo Mapesela letona la Tšireletso, ho fihlela sekheo seo, se batletsoe ea tla se koala. ’Mampho Mokhele, o itokolotse bekeng ena,’me o tla qala mosebetsi o mocha neng kapa neng ho tloha joale.