Phala ea mokhatlo oa papali ea Litšepe, e re mokhatlo oa bona o fihletse katleho ea ho rupela bakoetlisi ba leshome le metso e meraro ba banna le ba bararo ba basali, ’me tsena li qoqiloe lenaneong la Lipapali la Moafrika ka Labone la beke ena.

Anna Shale o re bohle ba neng ba kenetse thupelo eo, ba abetsoeng mangolo, ba lebeletsoe ho holisa lihlopha tsa bona le ho theha tse ling, bakeng sa kholiso ea mokhatlo oo. O re mangolo a fanoeng ke a boemo ba pele, ’me a filoneng ba ka tseba ho koetlisa, lefatšeng lohle.