Semathi sa mabelo a makhutšoanyane sa Mohlanapeng Thaba-Tseka, se re se ratisitsoe papali ena ke se seng sa limathi tse tummeng haholo, ’Mamoroallo Tjoka se mathang mabelo a malelele boemong ba machaba, ’me o batla ho tšoana le sona.

’Mamakoli Senauoane, o re o ne a qale ho kenela papali ea mabelo ka selemo sa 2014, sekolong sa mathomo sa Phaatjana, seterekeng sa Thaba-Tseka, moo a qalileng ho ipabola.

O re ho tloha ka selemo sa 2015 ho fihlela sena o se a hapile mabelo a bolela bo fapakaneng, a limithara tse lekholo ho ea ho tse makholo a mabeli, linaheng tse fapakaneng, ’me o ntse a batla ho atleha ho ea pele.