Mosali oa Borokhoaneng Ha-Michael Matsoso, Maseru o re e mong oa barali ba hae ba babeli ea nyetsoeng bekeng e fetileng, o mo tlalehetse hore o ipone a le ka holong e neng e tletse basali ba bangata, ba ileng ba mo sosothela ka hore o batlang lenyalong hobane ba mo joetsitse hore a keke a nyaloa le e mong oa bo.

’Matlhokomelo Makepe, o re taba ena e mo tšoentse hobane o se a ile a utloa ka makhetlo e buuoa ke batho bao a ba tsebang, ba ne ba bua ka hare ho barali ba hae nakong ee ba neng ba rapelloa ke baruti, eaba moo a bulehang mahlo hore barali ba hae ba babeli ba hlasetsoe ke baloi.

O re o hlokometse hore barali bao ha se ba hae bao a ba tsebang ho latela mesebetsi ea bona ea morao tjena, e mo lubang, hobane ba se ba e-na le mokhoa oa ho hana lijo tsee a ba ngoathelang tsona ka le reng o ba nokela letsoai le lengata, ho feta moo a ngoathele ntho e haufi le bona, ee eena a sa e boneng