Bo-rankulikae ba sekiri sa Thabang, Mokhotlong, ba fihletse qeto ea ho ikopanya le botsamaisi ba polokelong ea boea Thaba-Bosiu, bekeng eona ena ka letsatsi le sa boleloang, hore bo fane ka tokomane e bontšang lihlopha tse rekisitsoeng tsa boea le hore na li rekiloe ka bokae.

Ra-linku-likae oa Ha Mojakisane Mokhotlong, monghali Khotsang Moshoeshoe, o re qeto ke hore boea ba Sekiri sa Thabang, bo tla rekisetsoa mabopong le hoja ’muso o ntse o koasa ka lipolomiti tse bo tšelisang.

O re ofisi e Petoria Afrika Boroa, e tšepisitse ho fana ka karabo ka mongolo ka Labobeli la beke ena, e tiisang kapa ho latola hore foromo e neng e sebelisoa ho tšelisa boea e fetohile kapa chee, joalo ka ha Lekala la temo Lesotho le riatso.

O phethetse ka hore nyeoe eo e sa leng e thethebala ka makhotleng, eo ba lelekang le-Chaena polokelong ea boea, e tla tsoela-pele ka la mashome a mabeli Motšeanong monongoaha.