Sehlopha sa Kingdom Classics se chechisa mokete ka lebaka la bokulo ba setho sa sona

Sehlopha sa ’mino sa Kingdom Classics, se chechisitse mokete oa sona o neng o lokela ho ba ka Sontaha sa mafelo a beke ena, ka lebaka la bokulo ba setho se seng sa sona, bo bileng ba se kenya sepetlele, bekeng e fetileng, ’me se ntse se hlaphoheloa hantle.

Ea buileng lebitsong la sehlopha sena, monghali Tuoe Hntši, o re leha ho le joalo, mokete o se o tla ba ka la mashome a mabeli a metso e tšeletseng hona khoeling ena, ’me barati ba sona ba se nyahame.

Sehlopha sena se binang ’mino oa maikutlo ka lipuo tse fapakaneng, ke se seng sa tse holisitsoeng ke qhooa ena, sa ba tsullung ’me ke thatohatsi ho barati ba mofuta oo oa ’mino.