Mosali o baleha lehae ka baka la ntho e mo fethetsang ka majoe, Mafeteng

Mosali oa Malea-lea, Sekhutlong Ha-Qaba Mahao, Mafeteng, o re o se a robala hlatheng hobane a baleha ntho e mo fethetsang ka majoe e sa natse hore o na le bana haufi le eena kapa che, e ea ba otlolla.

’Mamojalefa Mohlouoa, o re o se a e-na le khoeli a balehile lehae, hoba le ha a balehela baahisaneng, e ntse e mo latella, hoo le bona ba seng ba sa mo amohele malapeng a bona, ka baka la ho tšaba ntho eo e sa tsejoeng.

O re o ntse a robala hlatheng joalo le litloholo tse tharo tsee bo-mma tsona ba seng ba hlokahetse, ’me se seng sa tsona se se se lemalitsoe ke eona ntho eo e seng e sa mo lumelle ho kena ha hae.

Taba ena ebile ea tiisoa ke e mong oa baahi ba sebaka seo, ea thatiselelitseng ka hore ho kile ha ea rapeloa ha mosali eo ke baahi ba motse ba kenyeletsang lingaka ka likhetsi tsa tsona le baruti, empa ntho eo, ea ba lelekisa ka oona majoe,