Mong’a liphahlo oa li tholisoa

Moahi oa Ha-Makhalanyane, Maseru, o re o labalabela hore motho ee esale a lahleheloa ke liphahlo tsa bana ka Tšitoe ea ngoahola, a li fumane, ’me o se a lekile mekhoa ea hore a mo fumane, empa o hlotsoe.

’Manteboheleng Montlha, o re liphahlong tseo ho hoketsoe lipampitšana tse ngotsoeng Seponono le Meme, ’me o se a ema holim’a qhooa ena ho tsebisa mong’a tsona hore o mo tholisitse.