Basotho ba hlahlelloa ka malebele a ho qosa mapolsa ba hlokofalitseng

Adv Martin Mohanoe, o re sechaba se na le tokelo ea ho qosa mapolesa a se tokholitseng, se kope matšeliso a likotsi kapa tlhokofatso eo, pele likhoeli tse peli li feta, kamor’a ho hlokofatsoa, empa, a boela a re liakhente li na le mokhoa oa ho kopa mohau lekhotleng le phahameng ha nako eo e se e fetile.

Basotho ba leshome le metso e mehlano ba ile ba kena lenaneong la Probono ba re ba mehoabali, ba likoapa ke mapolesa ao e mong a itseng, eena le ba neng ba e-na le eena, ba ne ba otleloe ho se tsebe hore na motho ea batloang ke ’ona, ea sebetseng le bona o kae.

Le ha ho le joalo, Mosotho e mong o itse linyeoe tseno lia kikitlela, e le ha a bua ka ea hae, ee a itseng akhente e lula e mo bolella hore a behe pelo sekotlolong litaba tsa makhotla lia sisintha. O re o batla likete tse makholo a mararo tsa Maloti.

Boholo ba batho ba letsitseng bo itse bo ne bo hlokofatsoe lilemong tse peli tse fetileng, likhoeling tse fapakaneng, le hoja ba sa tsoe nqa e le ’ngoe. RK.