Pharela ea bo-mmaseterata e karabong e lokelang ho tsoa ho matona

Maseru-magistrate-court.jpg

’Maseterata e moholo o re khang ea bona, e tsoetseng ho ema ka lijoko ha makhotla ke karabo e faretseng e lokelang ho tsoa molomong oa Lekhotla la Matona la Lesotho, kamor’a hore ba lumellane le liofisiri tsa oona tse neng li buisana le bona ka litlhoko tsa makhotla.

Chief Magistrate ’Matankiso Nthunya a bua a le Pusong ea Sechaba ka Sechaba ka Labots’elela lena, o itse, ba ne ba be le lipuisano le ’muso, ka moifo o neng o bopiloe ka bangoli ba babeli ba baholo le litsebi lintlheng tse ikhethang tsee ba neng ba lla ka tsona.

Boitlhaloso ba Chief Magistrate bo ile ba thabeloa ke bamameli ba fapakaneng, ban eng ba bile ba akha bahlanka ba makhotla a hae, ba neng ba sa tsebe bothata boo a thulanang le bona ha a lokela ho arabela litlhoko tsa bona.

Mrs Nthunya ea bileng a tlatsetsoa ke ’maseterata oa habo, Mr Kolobe o itse chelete ee ba e abetsoeng e le ea selemo sena, e lekane khoeli e le ’ngoe. Hape,  ha litaba tsa bona li nepahetse, ba lokela ho abeloa karolo e itseng likhakanyong tsa lichelete tsa naha tsa selemo le selemo. RK.