Borankulikae ba hlotse letona ka nyeoe hape

agriculture-animals-baby-288621Borankulikae ba ahloletsoe hore ba tsoelepele ba ise boea ha bona hohle moo ba bo fumanelang ‘maraka o ba khotsofatsang, khahlanong le ha letona le ne le re kahlolo e emele qeto ea lekhotla la maipiletso.

Moroke Mokhesi J o ahlotse ka Labone Lena hore kopo ea letona, e reng kahlolo ea hae e hlakotseng molaoana oa theko le thekiso ea boea, ke ‘mantloane a banana le bashanyana, e ba o e tjebela matjoing.

Sena, se hlalosoa ke akhente ea Borankulikae, monghali Qhalehang Letsika e bolela hore, basotho ba se ba ka ithekisetsa boea ba bona moo ba ratang, ka bolokolohi.