Dr Thabane o re litho li loanele bonngoe

IMG_20190416_181047_922Mongoli-kakaretso oa ABC Kobotata, o re moetellipele oa mokha oo, Dr. Motsoahae Thabane, o itse litho tsa oona li tlameha ho loanela bonngoe, ho latela letlere le bonahalang ka har’a oona.

Monghali Samonyane Ntsekele o re lehlakore le leng le bile le kopano e koaletsoeng le moetellipele, moo qeto e bileng hore le kopane le monghali Ntsekele ho rala mokhoa oa likopano tse tla tlisa tharollo qakeng e ka mokheng.

O re leha ho le joalo, moetellipele o itse litaba tseo, li tšoaroe hantle. Litaba tsena moetellipele o ne a li bua sebokeng sa Kobotata se bileng Peka, mafelong a fetileng a beke.