Sesosa sa lefu la Pitso Pitso se hana ho hlaka

Mohlankana oa Makhalaneng Ha-Raboletsi, Maseru, ee ho belaeloang a bolailoe ke ma-noa-joala a Tšieng Ha-Abia, sesosa sa lefu la hae se ntse se e-so tsejoe, ka ha bao ho neng boleloa hore ba tseba letho, ba itatola.

Ba habo ka molomo oa Keneuoe Pitso, ba ne ba ile ba tlalehela Lehakoe la Litaba hore ba ne fumane tlaleho e reng, eo o ne a betile, le hoja ho sa tsebahale hore ketso eo o e entse ho mang, hoba leqhekoana lee ho neng ho buuoa ka lona hore ke lehlatsipa, le latotse litaba tseo.

Ho sa le joalo, morena Lekhooa Mariti o latotse taba ea peto, feela a re mohlankana, o ne a ile a ba le qoaketsano le ngoanana ea bileng a tlalehela lepolesa le leng litaba tseo.

Monghali Mpiti Mopeli, phala ea sepolesa sa Lesotho, o re tlaleho ea sepolesa sa Lithoteng e bolela ha ea betiloeng, a ile a neoa foromo ea ngakeng, empa ha a bolelloa na ke mang.Litaba tsena li kolla lenaneong la Re Nyebekolla Taba ea beke e fetileng.