Moafrika e khutlela moralong oa eona oa pele oa tšebetso

Mohlomphehi Mohlophisi e moholo, o re Moafrika Fm, e khutletse moo litaba tsa eona li neng li qetella ho baloa, e leng metsotso e mashome a mararo ka mor’a hora ea leshome le motso o mong bosiu.

Tsena o li buile a ipapisitse le hore moralo oo, o kene tšebetsong ka Labone la beke ena, holim’a tlhopho-bocha ea mananeo a se-ea-le-moea sena, e qalileng, mathoasong a khoeli ena.

O re ka ha Moafrika Fm e tsebahala e le se-ea-le-moea sa litaba, h’oa bonahala hore ha li sa tla hatellana ho tse baloang feela, empa mananeo a sona a tla fepeloa ka tsona, molemong oa sechaba.