Litotla li re bosieo ba Moafrika bo ka mokhohlane oa motho oa bohlokoa

Litotla tsa ka bochabela li re bosieo ba Moafrika fm ka habo tsona bo ne bo li baketse bolutu bo kang hoja li shoetsoe ke lerato la tsona la pelo le matšoafo.

Tsena, litotla li li buile lenaneong la Mokhoro oa tsona la Labohlano lena, e le letsatsi la bobeli Moafrika Fm e utloahala ka leqhubu la 99.3 fm le motseng oa Chafo oa Thabo Molopi, sehlabeng sa Leribe.

Mookameli oa boqolotsi ba litaba ba Moafrika ka bochabela, Chitjanyana Teanye eena o re bosieong ba se-ea-le-moea sena sa Molimo, litlolo tsa molao li ile tsa tota; ’me o lumela hore li tla ea moriting, ka ha khonyollo ea eona e tla nolofatsa khokahanyo lipakeng tsa sechaba, mahokela le mapolesa.