Mohlolohali o re o utloa le ha a hoelehetsoa kamor’a ho tsoa ka mora sehlahla

E mong oa balekane ba mofu monghali Sello Paul Lechalaba, oa Motimposo Ha-Majara Theko, Maseru, o re o utloa le ha a hoelehetsoa ka mor’a hore a fihle ha hae, a tsoa ka mor’a sehlahla bakeng sa likhoeli tse tšeletseng, a ne a baleha litšoso.

Nkhono Nthatisi Lechalaba o re ho fihlela joale bophelo bo ntse bo tsamaea hantle, le hoja a ntse a le ka har’a khehlepehali ea nyeoe moo a tsekang ho boloka ha setloholo sa hae, Hlooho-tšoeu Lechalaba, ea timetseng mathoasong a Tlhakubele, monongoaha.

Nkhono Nthatisi, o ne a khutlele hae ha khoeli ena, e ne e hlola matsatsi a mane, ka taelo ea Lekhotla le Phahameng, e neng e kenyeletsa har’a tse ling, ho bula heke ea lelapa la Lechalaba le ho liha lerako, e leng tse ileng tsa phethahala.