Moafrika Fm e amohela lituloana tse mabili bakeng sa batho ba nang le bokooa

Moafrika fm e amohetse lituloana tse mabili tse hlano, tse sebelisoang ke batho ba hloloang ho itsamaisa ka maoto a bona, tse fanoeng ke Express Stores ka Labone la beke lena, lebaleng la lipitso la Maseru.

Express Stores ka thometsana ea eona, monghali Paseka DJ Peipi Raboshabane, e ne e phatlalatse moketeng oa menyakoe le bosechaba oa MOAFRIKA, khoeling e fetileng hore e tla phallela se-ea-le-moea sena sa Molimo ka lituloana tseo, sona se tle se li fetisetse ho bahloki ba tsejoang ke sona.