Kahlolo nyeoeng ea boea e tla oa ka la 1eshome le metso e robeli

Moahloli Moroke Mokhesi o tla liha nyeoe ea likhang tsa boea ka Labone la beke e tlang.Tsena o li buile qetellong ea ho lahla malepe ha liakhente tsa borankulikae le tsa ’muso oa Lesotho ka Labone lena.

Liakhente tsa ’muso li ne li kopa hore lekhotla le thibele phethahatso ea kahlolo ea lona ea bekeng e fetileng, e hlakotseng melaoana e thibelang Basotho ho rekisa boea ba bona moo ba ratang, e ba qobella ho bo isa moo ho ratang ’muso.

’Muelli oa lihoai, Mr Qhalehang Letsika, o thutse akhente ea ’muso ka matla, a bile a supa litlokotsi le litsikitlano tsa meno tse aparetseng Basotho ka lebaka la melaoana eno e se nang Bo-Molimo.