Ngoanana ee saleng a nyamella lelapa o supeloa Motimposo

Moahi oa Ha-Tšiu, Maseru, o re moena oa hae oa ngoanana ea lulang Ha-Motloheloa, ee esale a nyamella lelapa mahareng a khoeli e fetileng, menyenyetsi e re o lula Motimposo le mohlankana oa hae.

’Mareithabetse Masupha, o re sepolesa sa Flight 1 ka lipatlisiso tsa sona, se ile sa iphumanela litaba tseo ka mor’a ho tlaleheloa hore ngoanana o nyametse, sa ba sa letsetsa eo mohlankana hore a itlalehe le ngoanana ho sona ka Labobeli lena, empa ha ba phethahatsa.

Momameli o tla hopola litaba tsa ho nyamela ha Seipati Nkoe, ea lilemo li leshome le metso e supileng, ee ho bileng ha hlahella ho le leng la mananeo a Moafrika hore o bile sepetlele Queen ’Mamohato.