Ngaka ea liphoofolo e emetse boeletsi ba molao kahlolong ea boea

Ngaka e kholo ea liphoofolo Lesotho e re, e sa emetse boeletsi ba molao, ba akhente ea lekala la habo eona, molemong oa hore e tle e tsebe ho thusa lihoai tsa boea, kamor’a kahlolo ea Lekhotla le Phahameng la Lesotho, bekeng e fetileng.

Dr Relebohile Mahloane, o ne a araba Lehakoe la Litaba la MOAFRIKA potsong e reng na liofisiri tsa habo li se li ntse li thusa borankulikae ka lipolomiti tsa ho tšelisa boea, ho bo isa mabopong, ka taelo ea Lekhotla le Phahameng, nyeoeng e kulupantseng ’muso oa naha ena bekeng e fetileng.

Monghali Mahloane o re akhente ea lekala la habo e itse e tla fana ka maikutlo ka Labone la beke eona ena, e sa ithuta kahlolo eo.

Ka lehlakoreng le leng, Lehakoe la Litaba le fumane hore ’muso o fetetse boipiletsong ka kahlolo ena, empa, litaba tsena li tlile moeeng ho e-s’o tsebahale hore na moahloli Mokhesi o tla lumela hore kahlolo ea hae e se phethahatsoe ho fihlela boipiletso bo felile.

Tabeng eona eo ea boipiletso, khang ea lihoai ke hore lekhotla le se ke be la lumela ho emisa phethahatso ea kahlolo ka lebaka la ho kokota ka boipiletsong ha ’muso hobane Lekhotla la Maipiletso, le hloloa ho lula ke khaello ea lichelete, tsee ho sa tsejoeng hore na li tla fumaneha neng.

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.