Liteko tsa mali li re setopo ha se Nthatisi Lebona, Mafeteng

Lelapa la Lebona le Matelile Malea-lea Ha-Qaba Mahao, Mafeteng le re liteko tsa mali tsa setopo sa ngoana se neng se fumanoe mabitleng a Ha-Leutsoa, Maseru mathoasong a Mphalane ngoahola, li re ha se oa lona.

Mpokanyo Lebona, o re ba ne ba e-na le tšepo ea hore ba tla boloka morali oa bona Nthatisi Lebona, ea neng a nyamelle Semphethenyane Khutsong, Maseru, a ne a ntse a tsamaea le e mong ba isa litopo ha ee e neng e le moahisane oa batsoali ba hae ka letsatsi la borobeli la ’Mesa, ngoahola.

Liteko tsa mali li ile tsa etsoa ka mor’a hore ho fumanoe setopo sa ngoana mabitleng a Ha-Leutsoa se tšetsoe ka har’a mokotlana, sa phuthoa ke sepolesa sa Morija, ’me lelapa la Lebona la hopola hore ke sa lona, joale le lokela ho qalella ho ’matla bocha.