NACTWU e fanyehile boipelaetso ba basebetsi ba lifeme tsa Johnsons

Mokhatlo oa basebetsi, oa NACTWU, o fanyehile boipelaetso ba basebetsi ba lifeme tse robeli tsa Johnson’s, Maputsoe, bo neng bo se bo kene letsatsing la bobeli, ka Labobeli la beke ena, ka le reng batho ba eona ba qhaluoe ke sepolesa.

Tšepang Makakole oa mokhatlo oo, o re sepolesa se qhalile batho bao ka tšabo ea hore ho ka ’na ha hlaha meferefere, ka lebaka leo, boipelaetso bo fanyehiloe nako e sa boleloang.

Ho sa le joalo, o re litho tsa mokhatlo oo, li khakhathuoe ke mapolesa le hoja ho sa tsebahale mabaka.