Mekhoa oa ho fana ka karete e khubelu, e ‘meli.

Mohokahanyi oa ba-letsa-phala papaling ea bolo ea maoto,o re mekhoa ea ho fana ka karete e khubelu e ’meli, ke ho e phahamisetsa sebapali ka lebaleng hore se e bone kapa ho tlaleheloe sehlopha sa eona.

Monghali Sentšo Mohau, sena o se buile ka Labobeli lena, Moafrika fm, a ipapisitse le hore sebapali sa Bantu FC, Litšepe Marabe, se fuoe karete se le kantle ho lebala, ka hore ho ngolloe eona Bantu ka ho fua karete ha sona, hobane se rohakile mo-letsa-phala, papaling ea Bantu le LMPS, bekeng e ka pele ho e fetileng.

Taba ena, e bonahala e makalitse barati ba papali ea bolo ka molao oo o mocha oa ho fana ka karete e khubelu. Ho sa le joalo Mokhatlo o tsamaisang libaesekele Lesotho, ka Laboraro lena, o tla romela moifo oa batho ba robeli ba lisoaeli Namibia, lipapaling tsa Afrika, mojahong oa hlatheng oa libaesekele.