Ngoanana oa Linakeng Ha-Mphosi, Thaba-Tseka, ea lulang Ha-Tšiu, Maseru, o re o patlong ea mosebetsi e ka ba oa malapeng ka ha a lokela ho hlokomela moena le ’m’ae ea kulang hampe, ’me bohloki boo bo mo setisa ho ba phelisa.

Nthabeleng Lipeisi ea lilemo li leshome le metso e robeli, o re o ne a ntse a sebetsa ho o mong oa metse ea toropo ea Maseru, moo a ileng a lelekoa ha a ne a kopa ho hashaletsoa makholo a mabeli a Maloti, holim’a a tšeletseng, a lelekoa ka baka leo.

Litaba tsa ngoanana li tiisitsoe ke morena oa Ha-Tšiu, a re o mo kopela thuso ho bohle ba ka tsebang ho fana ka eona.