Monna o shoa a ntse a rekisa patsi, Mohalesuku

Monna oa Nkoboto Ha-Mohapi Lebona, Mohalesuku, o ile a khakhathoa ke e mong oa baahi ba Ha-Maphohloane, seterekeng seo, ka mor’a ho kokota a re o rekisa patsi bosiung ba Labotšelela le fetileng.

Morena ’Mapotsane Mohale, o re bosiung bo boletsoeng, monna o ne a ntse kokotela baahi ba motse oo, ha a bolelloa hore a tle ka le hlahlamang, a bolele hore o tloha a pshatla lifensetere tsa matlo a bona.

O re lapeng la bone lee monna a fihlileng a bua litaba tseo, mong’a teng o ile a tsoa, a mo khakhatha hampe, a bile a ipapisitse le hore ha hae ho atisoa ho hlaseloa, ka mor’a moo a bitsa baahisane, hore ho felehetsoe monna eo a isoe moreneng.

Morena ’Mapotsane, o re monna o ile a fihla moreneng a khannoa ka kiribae, empa ha lemoheha hore o se a timetse, a isoa polokelong ea bafu.