LDF Fc hlathe e lelekisa tsebe

Phala ea sehlopha sa papali ea bolo ea maoto sa LDF FC, e bua lenaneong la Lipapali ho Moafrika Fm, e re hlathe e lelekisa tsebe hobane se hapile mohope oa lihlopha tse robeli, papaling e bileng lebaleng la Setsoto, mafelong a beke e fetileng.

Doni Ntakha o re hona ebile mosebetsi o motle o entsoeng ka mor’a lilemo tse mashome a mabeli a motso o mong, ’me LDF e moo e teng ka ha e ile ea hlola Bantu FC thahong ea mekoko ho seka-makhaola-khang, ea qetella ka ho tokhotsa LCS FC, makhaola-khanng ka li-goal tse peli ho e le ’ngoe.