Basali ba nts’a ba bang likotsi ka majoe , lifemeng, Maputsoe

Basali ba bararo ba lifeme tsa Johnsons Maputsoe, Leribe, bao e leng karolo ea boitseko ba ile ba hlaha likotsi nakong eo basebetsi ’moho ba neng ba le ka jareteng ea mosebetsi, ba ba betsang ka majoe, ka Lapele la beke ena.

Basebetsi ba lifeme tse robeli tsa Johnsons ba kene boipelaetsong, moo ba tsekang hore ba berelloa ka mosebetsi lihoreng tsee ba lokelang hore e be ba phomotse ka tsona.

Monghali Tšepang Makakole oa mokhatlo oa basebetsi oa NACTWU o re basebetsi ba tseka le hore letsatsi la botšelela bekeng, e be la phomolo joalo ka lifemeng tse ling, le hore ba fuoe moputso o menahaneng ha ba theohetse ka lona.

Makakole o re ba lekile tsohle e le mokhatlo ho kena lipuisanong, ba hloleha, ke ha ba tla nka khato ea boitseko.