Mohlolohali oa Motimposo ea tsoang ka mor’a sehlahla o leboha ba bileng le eena

E mong oa bahlolohali ba monghali Sello Paul Lechalaba oa Motimposo Ha-Majara Theko, Maseru, o re o leboha Moafrika Fm le bohle ba ileng ba oa le ho tsoha le eena nakong ee a neng a ntse a le ka mor’a sehlahla.

Nkhono Nthatisi Lechalaba, o bua tsena ka mor’a hore Lekhotla le Phahameng la Lesotho, le fane ka taelo ea hore ho buloe heke ea lelapa molemong oa hore bohle ba phelang ka hare ho jarete eo, ba e sebelise hammoho.

O re e ile ea ka o’a lora ha a iphumana a le ka hare ho motlotloane oa hae oo esale a o siea khoeling ea Pulungoana, ngoahola,’me ha e le mona a le ha hae, o tla tseba ho sebetsa litaba tsa ho bolokoa ha setloholo sa hae Hlooho-tšoeu Lechalaba, ea neng a hlokahale mathoasong a Tlhakubele monongoaha.