Mapolesa a Ha Matela a tokhotsa morena

Morena oa Lekhalong la Baroa Ha Nkhema, Maseru, o re mapolesa a mararo a Ha Matela, a mo tetekile le ho mo pola ka mare a hae a kereke, ha a ne a hana ka setempe sa borena, ka Laboraro lena.

Morena Lelala Nkhema o re ka letsatsi le boletsoeng, ho fihlile ha hae mapolesa a tsamaea le morena ee a ntseng a tseka setempe le eena, le hoja litaba tseo li se li le ka makhotleng a boahloli ho tloha 2010, a a bolella hore a keke a se lokolla ho se taelo ea lekhotla.

O re ke moo mapolesa a ileng a mo pola hoo a ileng a lokela ho ea ngakeng Morija ka Labone lena, ’me o se a butse nyeoe khahlanong le mapolesa ao a mo kibileng litsebe.