Ngoanana o nyamella lelapa, Ha Motloheloa

Moahi oa Ha-Tšiu, Maseru, o re moena oa hae oa ngoanana ea lulang Ha-Motloheloa, esale a nyamella lelapa mahareng a khoeli e fetileng, a re o ea ntloaneng, eaba ke ho nyamela ha hae.

’Mareithabetse Masupha, o re moena eo oa hae, o ile a tloha hae, a siea ngoana ea lilemo li tharo le e mong oa baholoane ba hae, ’me ha tsebisoa sepolesa sa Flight 1 le ba leloko.

O re lebitso la ngoanana ke Seipati Nkoe, o lilemo li leshome le metso e supileng, o mosoothoana ka lebala, o molelele, o ’mele o mahareng, o kena sekolo se phahameng sa Masianokeng, o foromong ea pele.

Ho sa le joalo Lenaneong la Nyakafatane, la Laboraro lena ho bile le momameli ea ileng a letsa a re ngoanana ea ntseng a batloa, o ne a e na le eena kokelong ’Mamohato, ausia’e o ile a leba teng, empa ha fumana thuso kaha mosebeletsi oa sepetlele a itse a keke a mo bolella makunutu a mokuli kaha a se a bile a lokolotsoe.