Moits’ukuli o utsoetsoa thepa ea mosebetsi le chelete, ka mok’huk’hung, Mafeteng

E mong oa baitšokoli ba sebeletsang toropong ea Mafeteng, o re o fumane mok’huk’hu oa hae o qhaqhuoe ka morao, ho utsuoe lebokose la libanana, a sietsoe tse robeli, mabokose a mahlakana a koae le mashome a mararo a Maloti, ho bo selang Labobeli la beke ena.

Monghali Mathibela Mathibela, o re o belaela a lahlehetsoe ke makholo a mane a Maloti thepeng eo litlokotsebe li ikhapetseng. O re mok’huk’hu o phuntsoe lesoba le lekanang hore motho a kene le ho tsoa ho lona, ’me lena ke lekhetlo la pele a senyetsoa.