Moafrika fm e tla ba e mong oa baamoheli oa lituloana

Moafrika fm e tla ba e mong oa baamoheli ba lituloana, tse sebelisoang ke batho ba hloloang ho itsamaisa ka maoto a bona, tse tlang ho fanoa ke Express Stores ka Labone la beke e tlang, lebaleng la lipitso la Maseru.

Express Stores ka thometsana ea eona, monghali Paseka DJ Peipi Raboshabane, e ne e phatlalatse moketeng oa menyakoe le bosechaba oa MOAFRIKA, khoeling e fetileng hore e tla phallela se-ea-lemoea sena sa Molimo ka lituloana tse hlano, tse mabili, sona se tle se li fetisetse ho bahloki ba tsejoang ke sona.