Banna ba bahlano ba hlasela lelapa, ba hlahisa mosali oa moo likotsi,Mafeteng

Moahi oa Ha-Ramohapi, Mafeteng, o tlalehoa a ile a hlaseloa ke banna ba bahlano lapeng ha hae, ee e mong oa bona, a neng a setse kantle, ha ba bane ba ne ba kene ka tlung, bosiung ba Labosupa le fetileng.

Ea buileng lebitsong la mong’a lelapa, Tselane Hashatsi, o re ho ne ho ile ha kena banna ba bane ka fensetere, ba kena likamoreng tsa ntlo, moo ba ileng ba kopana le setho sa lelapa ba batla kamore ea mong’a moo.

O re ka ha eena o ile a tsoa ka fensetere ea kamore ea hae, a balehela boahisane, o ile a utloa ho khabola ha sethunya, ’me beng ba ketso eo, ba ile ba baleha ha ho hlaha baahi ba motse oo.Mong’a lelapa,’Mathabo Hashatsi o ntšitsoe kotsi letsohong ke litlokotsebe tseo ha li ne li batla ho kena kamoreng ea hae.