Methoaela ea bana e boela sekolong, ka mor’a boitseko ba matichere

Barutoana le matichere ba likolo tse fapakaneng ba boetse likolong kamor’a boitseko ba matichere, kaha monghali Letsatsi Ntsibulane a ile a phatlalatsa joalo,’me Lehakoe la Litaba la Moafrika Fm, le fumane hore sekolo sa Mathomo sa Lelala,Lekhalong la Baroa, Maseru, matichere a bile teng kaofela, ka Lapele la beke ena.

Mookameli oa sekolo ’Mafani Mokhele, o re ho teng ke hore bana ba ne ba fokola, ’me le tseleng e lebang teng, o bone methoaela ea bana likolong tseo a fetileng ho tsona joalo ka Ha Ntsi, Nazareth le Machache.

Mokhele o re har’a lipuo tsa bana ba neng ba leba likolong tse phahameng, e bile ho se kholisehe hore efela likolo li boetse, kaha phetiso ea molaetsa e bonahala e saka ea pharalla.