Moithuti oa Fokothi oa ho noela nokeng o fumanoe a se a shoele, Mafeteng.

download (1)Sesole sa Lesotho ka liqoeli tsa sona ka tšebelisano ’moho le sechaba sa Kolo Ha Thoahlane, Mafeteng, se fumane moithuti oa sekolo sa Fokothi ee esaleng a nkoa ke noka ea Mohokare libekeng tse peli tse fetileng a le boikoetlisong ba papali ea bolo ea maoto le ba bang.

Ofisiri ea liphatlalatso ea sesole, Capt. Sakeng Lekola o re liqoeli li ile tsa hlabeloa mokhosi ke sechaba nakong eo li neng li le letšolong la ho batlana le setopo seo, se bonoeng ke monna ea neng a feta ka tsela haufi le noka eo. O re setopo se isitsoe ’moshareng, ’me beng ka sona ba se ba se tsebile.