Motsamai o senola bolehe ba bohanyetsi le komiti ea tlhophobocha.

Executive-Director-of-the-Lesotho-Council-of-Non-Governmental-Organisations-LCNSeabata-Motsamai.Monghali Seabata Motsamai o re ha se ’nete hore ke mohlape moipusi litabeng tsa potoloho ea tlhophobocha, empa ba sebetsa ba ipapisitse le lethathamo le neng le lumellanoe khale ke bohle ba nang le kobo ea bohali tšebetsong ena.

A bua ho probono ea Labobeli lena mookameli oa mekhatlo e ikemetseng ea Lesotho, o itse ha se taba ea bona ha bohanyetsi ’moho le komiti ea tlhophobocha bo saletse morao, bo sa tsamaisane tsela le mekhatlo, hobane e mong le e mong o tsamaea ka mofao oa hae, ha ho jesanoe.

Mohlakoana o ne a araba le ho otlolla moo monghali David Seutloali a neng a ile a ba qosa ka hore ba se ba ntse ba matha metseng le metsaneng ba siile bapolotiki le komiti ea tlhophobocha, athe ba ne ba lokela ho ea kopanela mosebetsi.

Taba e mpang e utloahetse e belaetsa ke ea hore e be mekhatlo eo ea Motsamai e ja chelete ea tlhophobocha e le ’ngoe ha e reke mananeo litsing tsa khaso, haholo-holo sona sena sa Molimo, sa sechaba ka sechaba.

Ntlheheng ea hore monghali Likhang Moseneke o sekisetsa bohanyetsi, o metlametla ka mor’a ’muso, ho ile ha hlahella maikutlo a reng ha ho joalo.Ea buileng holim’a taba eo, o itse Moseneke o ne a botse bohanyetsi hore na a qhale phutheho, a tle a khutle mohla lipelaelo tsa bona ka ’muso li arabiloeng, ea ba bo sunya lihlooho ka linokeng bo thola joalo ka lebitla.