Boramakoloi a baeti ba re ’muso oa Lesotho o iphapanyelitse sello sa bona.

IMG_20190324_120225_398Raliphatlalatso oa bahoebi ba makoloi a baeti Lesotho Monghali Lebohang Moea o re ba phurile leshoetla  mabapi le ho kikitlela ha ‘muso oa Lesotho ha o lokela ho rarolla mathata a crossborder, lipakeng tsa Afrika-Boroa le Lesotho tse seng li isa lilemong tse mashome a mabeli a nang le metso ho se nko ho tsoa lemina.

Moea o re, ba ile ba ngolla puso ena ea 4*4 hang hore e lule litulong ba e lemosa hore na ba se ba khathile tema ho le ho kae le letona la ‘muso o fetileng Monghali Ts’oeu Mokeretla, ‘moho le letona la mehleng la lipalangoang la Afrika Boroa  Mrs Lipuo Peterson, empa o bona eka ‘muso o ithibile litsebe.

O lielletse likhala ka hore mongoli kakaretso oa SADC Mrs Stekemana Tax, eena o ba bolelletse hore e sale a emela mebuso ka bobeli hore e etse tumellano ea kutloisisano ea tšebetso litabeng tsa crossborder, ba e romelle ho eena ho e tlapisa ka setempe sa SADAC e tsebe ho kena tšebetsong, likhang tse lipakeng tsa linaha tse peli tsena li ee moriting.