Mohlankana o shoa ka mor’a ho khakhathoa ke mahokela, Maseru

Mosali oa Rapo-Le-Boea Ha-Mateu, Maseru, o re khaitseli ea hae e ile ea khakhathoa ke mahokela a motse oo ea ba ea timela, ka le reng e tšaelelitse bana ba Ha-Setenane ba bararo ka lintja, ka Labohlano la beke e fetileng.

’Malebohang Makhasane, o re o utloetse hore khaitseli ea hae ea Nyakosoba Ha-’Mokela le ba bang, ba ile ba bitsa bana bao hore ba ee ho ea nka linaoa, ha ba atamela, bao ba ba tšaeletsa lintja, ba ba ba li thiba hore li seke tsa ba loma.

O re bana bao ba ile ba ikela hae, empa ka le hlahlamang mahokela a ea metebong e Thaba-Putsoa, moo a ileng a fumana batšaeletsi, a khakhatha khaitseli eo ea hae, a siea ba bang, a se a bile a e batla sethunya, ea qetella e timetse.

Leha ho le joalo setopo se ile sa phuthoa ke sepolesa sa Ha-Ramabanta, ha babelaelloa ba bararo ba ile ba itlaleha sepoleseng seo, ba ba ba lokolloa. Litaba tsena ke tlaleho ea Tsa Mafelo a beke, ka Lapele la beke ena.