Koloi e phethoha ka batho ‘Moteng

Batho ba babeli ba kene sepetlele Botha-Bothe ka likotsi tse mpe, ha ba leshome ba ile ba lokolloa ka tse bobebe, ka mor’a hore ba phethohe ka koloi ea vene khorong ea ’Moteng ka Labosupa le fetileng.

Moqhobi oa eona monghali Pitso Sehloho oa Ha-Sekake Qachaseneke, ea sebetsang Mokhotlong, o re ba ne ba ea sebokeng ha koloi e tla hloleha mariki ho ea qetellong ea khoro, ea ba hlatsa, ea siea a le mong.

O re eena o amehile letheka, sefuba, likhopo le mokokotlo, ha e mong mofuputsi oa litaba oa Moafrika Fm, ka Mokhotlong, monghali Katjene Lenanya, e le letheka feela.