Monna oa Masemouse Ha-Sechaba, Mafeteng, o re o lokisitse litaba le mosali oa hae ea neng a se a sa robale hae ka mabaka a sa tsejoeng ho tloha ka Labone la beke e fetileng.

Monghali Mohlomi Ntsane, o re o ’nile a batla eo oa litjepa, a mo fumana mok’huk’hung, oo a ithekisetsang joala ho oona, a mo batla senotlolo sa moo ho bolokoang lijo lapeng, mosali a koasa ka sona, ba se tsekisana.

O re ho ile ha fihla banna ba neng ba le tlung e ’ngoe ea mothamahane e haufi, ba mo fasa matsoho ka lebanta la borikhohoe le ho mo otla ka khopolo ea hore o loantša mosali. O ile a tlalehela sepolesa se ileng sa re a ee le molekane oa hae teng ka Lapele lena.