Tlhokahalo ea lekase e hlolisa setopo sa moshanyana ho bolokoa, Maseru

Mosali oa Phuthiatsana Ha-Lekhobanyane, Maseru, o re o hloloa ho pata mora oa hae ea lilemo li hlano ea hlokahetseng ka la leshome le metso e mehlano khoeling ena, hobane a se na lekese.

Rethabile Mabula, o re ha tsietsi ena e hlaha, o ile a ikopanya le morena oa hae, ea ileng a mo fetisetsa ho mok’hanselara le mokhethoa ba ileng ba mo qhalla matsoho ka le reng lichelete tsa ’muso ha li e-so tsoe, ba tla sitoa ho mo thusa.

O re mora o ne a ntse a thusoa ke Lekala la Ntšetsopele ea Sechaba ka litlhoko tse fapakaneng, ’me lekhetlong lena ha a le tlalehela litaba tsena, la ’molella hore lichelete ha li e-so be teng.