Moqhobi o re linyeoe tse ling li senyetsa batho nako ea mosebetsi

Monna oa Ha Sehapa Qachaseneke, o re o lumetse ho tšoarela lechaena lee a reng le mo otlile matsoho ka sepannere le hoja lona le latola, ka lebaka la ho sireletsa mofuputsi oa litaba oa Moafrika Fm oa seterekeng seo, kaha le ne le re le il’o mo qosetsa ho bua ka lona ntle le ho le rerisa, le ho qoba ho itšenyetsa nako ea mosebetsi.

Mothepu Tsanyane, moqhobi oa lephele, o re kopano ea bona e etsahetse sepoleseng sa moo, ’me le mookameli o ne a befile a bile a mo laela ho ea tlosa koloi eo eleng sesosa sa ho otloa ha hae, joale a hloloa ho mo tlalehela litaba tsena, hape lechina le ile la hla la tatamala la mo fihlela pele sepoleseng.