Lelapa le patlong ea mor’a lona ea nyametseng a re o ea mosebetsing

Lelapa la Nkatane le Rothe Tšoeneng Ha-Mokhele, Maseru, le patlong ea mor’a lona ee esale a le nyamella mathoasong a khoeli ena, a re o ea mosebetsing oa likonteraka, Mohalesuku.

Ea buileng lebitsong la lona Lineo Nkatane, o re Motseki Samuel Nkatane, ea tsebahalang ka la Matlatsane kapa Ponki, ke motho ea nang le lefu la hlooho ea kekeng a sebetsa ho latela bokulo ba hae, empa o tsamaile ho le joalo.

O re moena eo oa hae ke motho e mosehla ka lebala, e molelele.O ne a apere ka tsela ena, bokate e putsoa, baki e tala e sekoche, o roetse katiba e khubelu e mela e mesoeu. Litaba tsena li simolla tsebisong e baliloeng qhooeng ena.